by 
വിജയ് ബാബുവിന്റെ ഫ്രൈഡേ ഫിലിം ഹൗസ് നിർമ്മിക്കുന്ന ഏറ്റവും പുതിയ ചിത്രമാണ് ‘എങ്കിലും ചന്ദ്രിക’. ജയ ജയ ജയ ജയ് ഹേയുടെ ബ്ലോക്ക്ബസ്റ്റർ വിജയത്തിന് ശേഷം ബേസിൽ ജോസഫാണ് എങ്കിലും ചന്ദ്രിക എന്ന ചിത്രത്തിന് നേതൃത്വം നൽകുന്നത്. നവാഗതനായ ആദിത്യൻ ചന്ദ്രശേഖർ സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് ഞായറാഴ്ച പുറത്തിറങ്ങി. ബേസിൽ, അഭിരാം രാധാകൃഷ്ണൻ, സൈജു കുറുപ്പ്, സുരാജ് വെഞ്ഞാറമൂട്, നിരഞ്ജന അനൂപ്, തൻവി റാം എന്നിവരാണ് പോസ്റ്ററിൽ ഉള്ളത്.
ഒരു ഫീൽ ഗുഡ് എന്റർടെയ്‌നർ ആയി കണക്കാക്കപ്പെടുന്ന എങ്കിലും ചന്ദ്രികേയിൽ ചന്ദ്രിക രവീന്ദ്രൻ എന്ന ടൈറ്റിൽ റോളിൽ നിരഞ്ജന അനൂപാണ് അഭിനയിക്കുന്നത്. അർജുൻ നാരായണനൊപ്പം സംവിധായകൻ ആദിത്യനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ജിതിൻ സ്റ്റാനിസ്ലോസ് ഛായാഗ്രഹണം നിർവ്വഹിച്ചിരിക്കുന്നു. ജൂൺ ഫെയിം ഇഫ്തിയാണ് സംഗീതം നിർവഹിച്ചിരിക്കുന്നത്. ലിജോ പോൾ ആണ് എഡിറ്റർ. നടി ആൻ അഗസ്റ്റിൻ, വിവേക് തോമസ് എന്നിവരും ചിത്രത്തിന്റെ സഹനിർമ്മാതാക്കളാണ്.
2023 ഫെബ്രുവരിയിൽ ചിത്രം റിലീസ് ചെയ്യാനാണ് അണിയറപ്രവർത്തകർ പദ്ധതിയിടുന്നത്. ഒരു ഇടവേളയ്ക്ക് ശേഷം മലയാളത്തിൽ ഒരു പുതിയ റിലീസുമായി എത്തുകയാണ് നടനും നിർമ്മാതാവുമായ വിജയ് ബാബു. സഹപ്രവർത്തകയായ ഒരു നടി ലൈം ഗി ക വും ശാരീരികവുമായ പീ ഡ നം ആരോപിച്ചതിനെ തുടർന്ന് അതിന്റെ ക്രിമിനൽ കേസ് നടപടികളിൽ പെട്ട വിജയ് ബാബു കഴിഞ്ഞ ഒരു വർഷത്തോളമായി സിനിമയിൽ നിന്നും വിട്ടു നിൽക്കുകയായിരുന്നു.
അദ്ദേഹത്തിന്റെ നിർമ്മാണകമ്പനിയായ ഫ്രൈഡേ ഫിലിംസിന്റെ പത്തൊമ്പതാമത് ചിത്രമായ ‘എങ്കിലും ചന്ദ്രികേ’ റിലീസിനൊരുങ്ങുകയാണ്. അതിന്റെ പശ്ചാത്തലത്തിൽ സംസാരിക്കുകയായിരുന്നു വിജയ് ബാബു. പിന്നീട് താൻ നേരിട്ട തിരിച്ചടികളെ കുറിച്ചും തന്റെ ജീവിതത്തിലെ പ്രയാസകരമായ സമയങ്ങളെക്കുറിച്ചും അദ്ദേഹം അഭിപ്രായപ്പെടുന്നു. ജീവിതത്തിൽ കയറ്റവും ഇറക്കവും ഉണ്ടാകുമെന്നും നമ്മൾ തളരാതെ നിൽക്കുകയാണ് വേണ്ടതെന്നും നടൻ പറഞ്ഞു.
നമ്മളെ ആശ്രയിച്ച് ഒരുപാട് പേര്‍ കൂടെയുണ്ട് എന്നും നമുക് ഒരു കുടുംബമുണ്ട് എന്നും നമുക്ക് കീഴിൽ ഒരുപാട് ജോലിക്കാരുണ്ട് എന്നും അതുകൊണ്ടു തന്നെ ഒരുപാട് പേർ ഞാൻ തിരിച്ചു വരാൻ വേണ്ടി കാത്തിരിക്കുന്നുണ്ട് എന്നും വിജയ് പറഞ്ഞു. തളരാതെ നിൽക്കുക, ശക്തമായി മുന്നോട്ടു പോകുക എന്നും അതിന്റെ ഭാഗമായാണ് ഈ തിരിച്ചു വരവ് എന്നും താരം കൂട്ടിച്ചേർത്തു. ജീവിതത്തിൽ പല തരത്തിൽ വെല്ലുവിളികളുണ്ടാകുമെന്നും മുന്നോട്ടു പോകുക എന്നതാണ് എല്ലാവരോടും പറയുവാനുള്ളത് എന്നും വിജയ് ബാബു മനോരമ ഓൺലൈൻ അഭിമുഖത്തിൽ പറഞ്ഞു.
