by 
മലയാള സിനിമാ സംവിധായകനായ ജോണി ആൻ്റണിയെ അറിയാത്ത മലയാളികൾ ആരും തന്നെ ഉണ്ടാകില്ല. നിരവധി നല്ല സിനിമകൾ മലയാളത്തിനു സമ്മാനിച്ച സംവിധായകനാണ് ജോണി ആൻ്റണി. സിഐഡി മൂസ, കൊച്ചി രാജാവ്, തുറപ്പ് ഗുലാൻ, മാസ്റ്റേഴ്സ്, നെയ്മർ, താപ്പാന, ഈ പട്ടണത്തിൽ ഭൂതം തുടങ്ങിയ നിരവധി നല്ല സിനിമകൾ മലയാളത്തിന് ജോണി ആൻ്റണി എന്ന സംവിധായകൻ നൽകിയിട്ടുണ്ട്. ജോണി ആൻ്റണി എന്ന സംവിധായകൻ 2003 ൽ ആയിരുന്നു സിനിമ രംഗത്തേക്ക് വന്നത്.
2018 ൽ ശിക്കാരി ശംഭു എന്ന ചിത്രത്തിൽ ജോണി ആൻ്റണി അഭിനയിച്ചിരുന്നു. ഈ സിനിമയിലൂടെ തന്നെ തനിക്ക് സംവിധാനം മാത്രമല്ല അഭിനയത്തിലും കഴിവുണ്ടെന്ന് തെളിയിക്കുവാൻ ജോണി ആൻ്റണിക്ക് സാധിച്ചു. ജോണി ആൻ്റണി ഏറ്റവും ഒടുവിൽ അഭിനയിച്ചത് പ്രണവ് മോഹൻലാലും കല്യാണി പ്രിയദർശനും ഒന്നിച്ച് അഭിനയിച്ച് വിനീത് ശ്രീനിവാസൻ സംവിധാനം ചെയ്ത ഹൃദയം എന്ന ചിത്രത്തിലാണ്. ഈ ചിത്രത്തിൽ ജോണി ആൻ്റണി അവതരിപ്പിച്ചത് കല്യാണി പ്രിയദർശൻ അവതരിപ്പിച്ച നിത്യ എന്ന കഥാപാത്രത്തിൻ്റെ അച്ഛനായ ബാലഗോപാൽ എന്ന കഥാപാത്രമാണ്.
ഈ ചിത്രത്തിലെ മികച്ച അഭിനയത്തിന് പ്രേക്ഷകർ ജോണി ആൻ്റണിയെ പ്രശംസിച്ചിട്ടുമുണ്ട്. ഒരു ചാനലിന് നൽകിയ അഭിമുഖത്തിൽ ജോണി ആൻ്റണി അവതാരിക ചോദിച്ച ചോദ്യത്തിന് മറുപടി നൽകുന്നതാണ് സോഷ്യൽ മീഡിയയിലൂടെ വൈറലായി കൊണ്ടിരിക്കുന്നത്. അവതാരിക ചോദിച്ചത് പ്രണവും കല്യാണിയും യഥാർത്ത ജീവിതത്തിൽ കല്യാണം കഴിക്കുമെന്ന് ജോണി ആൻ്റണിക്ക് തോന്നിയിട്ടുണ്ടോ എന്നായിരുന്നു.
എന്നാൽ അവതാരികയോട് ജോണി ആൻ്റണി പറഞ്ഞത് ഒരിക്കലും ഇല്ല എന്നാണ്. കാരണം കുട്ടിക്കാലം മുതൽ അവർ രണ്ടുപേരും നല്ല സുഹൃത്തുക്കളാണെന്നും അവർ രണ്ടുപേരും വിവാഹം കഴിക്കുമോ എന്ന് നോക്കുന്നത് ഇപ്പോഴത്തെ ന്യൂജൻ പിള്ളേർക്ക് ചേർന്നതല്ല എന്നും ജോണി ആൻ്റണി പറഞ്ഞു. ജോണി ആൻ്റണിയോട് ഏതെങ്കിലും ചെയ്ത സിനിമ പിന്നീട് അതിൽ അഭിനയിക്കേണ്ടിയിരുന്നില്ല എന്ന് തോന്നിയിട്ടുണ്ടോ എന്നും പരാജയപ്പെടും എന്ന് ഉറപ്പുള്ള ഏതെങ്കിലും ചിത്രത്തിൽ പണം ആഗ്രഹിച്ചുകൊണ്ട് അഭിനയിച്ചിട്ടുണ്ടോ എന്നും ചോദിച്ചു.
ഈ ചോദ്യത്തിന് മറുപടിയായി ജോണി ആൻ്റണി പറഞ്ഞത് എന്നെ ആരും നിർബന്ധിച്ചിട്ടില്ല ഞാൻ അഭിനയിക്കുന്നത്. എനിക്ക് ഇഷ്ടമുള്ള കാര്യമാണ് അഭിനയിക്കുന്നത് അതുകൊണ്ടാണ് ഞാൻ അത് ചെയ്യുന്നത്. അതുകൊണ്ടുതന്നെ അഭിനയിച്ചത് പിന്നീട് വേണ്ടായിരുന്നില്ല എന്ന് തോന്നുന്നതിൽ യാതൊരു അർത്ഥവുമില്ല. സിനിമ തുടക്കത്തിൽ തന്നെ പരാജയപ്പെടും എന്ന് അറിയുമെങ്കിൽ ഈ ലോകത്ത് ഒരു സിനിമ പോലും ഒരിക്കലും പരാജയപ്പെടില്ലായിരുന്നല്ലോ എന്നും ജോണി ആൻ്റണി പറഞ്ഞു.
സഹ സംവിധായകൻ ആയിട്ടായിരുന്നു ജോണി ആൻ്റണി സിനിമയിൽ തുടക്കം കുറിച്ചത്. തുളസീദാസ്, ജോസ് തോമസ്, നിസാർ, താഹ, കമൽ എന്നിവരുടെയൊക്ക അസിസ്റ്റൻ്റ് ആയിട്ടും ജോണി ആൻ്റണി പ്രവർത്തിച്ചിട്ടുണ്ട്.
